Nov 17, 2019, 10:24 am
5 Users Online

Şəmsəddin Xanbabayev 520 kartı götürüb Xaçmazdan aradan çıxıb

Bu günlərdə Xaçmaz rayon İcra Hakimiyyəti başçılığından istefa vermiş və İlham Əliyevin təriflədiyi Şəmsəddin Xanbabayev haqqında maraqlı faktlar açıqlanıb. Bununla bağlı Xaçmaz sakinləri araşdırmaçı jurnalist Cavanşir Həsənliyə müraciət ediblər. Müraciətdə    deyilir: 

«Salam Cavanşir bəy. Ölkə başçısının işsizliyin aradan qaldırılması sahəsində müəyyən addımlar atılması üçün rayonlarda haqqı ödənilən müvəqqəti ictimai işlərin təşkili barədə yəqinki məlumatlisiniz. Bu işlərin təşkili məşğulluq mərkəzləri icra hakimiyyətləri nəzdində olan mənzil kommunal təsərrüfat birlikləri, rayonlardakı dost iş mərkəzləri vasitəsi ilə təşkil edilirdi. Deməli insanlar məsgulluqa müraciət edir, məşğulluq göndərir mkt ye, mkt işlədir, pulu isə dost iş mərkəzi verir. İnsanlar rayonda müqavilə əsasında abadlıq işlərinə cəlb edilir. Hər rayona prezident aparatından kvota ayrılır. Bu il Xaçmaza 600 yer ayrılmışdı. Təbiiki 600 adam işə cəlb edilmədi. Sadəcə 30 nəfər işləyirdi mkt də. Qalan adamlar isə adları işdə gedən, lakin özləri olmayan ölü canlar idi. 520 kart Şəmsəddinin. Yerdə qalanlar məşğulluğun direktoru Ayazın, mkt-nin direktoru Qalibin, dost mərkəzi Vüsalın arasında tula payı bölünmüşdü. Dünən təzə başçı təcili şəkildə maliyyənin rəisini çağırıb deyib ki, mən belə şey edə bilmərəm. Prezidentin xüsusi göstərişi var. Ona görə də kartları qaytarın. İndi Xaçmazda düşüblər küçələrə ölü canları axtarıb tapıb kart qaytarmağa. Məhəllə məhəllə gəzirlər. Hal hazırda küçələri. Maliyyənin rəisi Nizami də təzə başçıya and aman edib ki, vallah billah kartlar Şemsəddindedir. Nəzərə alaq ki, hər kartda minimum əməkhaqqı qədər aylıq pul olur. Son olaraq 250 manat yuklənirdi. Aylıq təxminən 125 min tək başçıya çatırdı. Xaçmazda ölü canlarin axtarışı əməliyyatı bu gün səhərdən başlayıb.
Bütün bu hoqqaların arasında Şəmsəddin şimali Qafqaz kurortlarinin birinə istirahətə gedib».

P.S. Büdcəni talamağın ən azğın üsullarından biridir. Məncə bu korrupsiya sxemi bütün rayonlarda tətbiq olunur. 

 

Time TV

Оставить комментарий

Похожие сообщения